An o 10-to IRU Kongreso trujal so sikavas jekhipa akava si šukar šajdipa te kerel pe opservacia jekhe Rezoluciake so ka vazdel o rejtingo thaj o respekto maškar o Roma thaj naRoma, thaj ka kerel pe majhor demokratia thaj IRU legitimiteto. Ko Kongreso maškar aver nukte si o plan vaš implementacia e elektronsko internet votiba so trubul oleskiri implementacia an io avutno IRU Kongreso so trubul te ovel ko 2020 berš.
Nevo prezidento an o IRU si alusardo tari Makedonia o Zoran Dimov. Oleskere viceprezidentia si o delegatia Jasmina Ahemtaj tari Slovenia thaj Aguš Demirovski tari Švajcaria, Ajten Beranta tari Finska thaj Gerard Linder tari Polska. Generalno sekretari an o IRU sar kasiero si o Veli Husein tari Kroacia. Prezidento an o IRU Parlamento si o Stevo Radul Balog tari Austria, viceprezidentia an o IRU Parlamenti sdi i Angelica Maštakova - Italia thaj Stefan Kuzichov - Švedska.Sar kotor taro aktivitetia tari Internacionalno Romani Unia - IRU an i konekcia e mitingoske e membroncar thaj delegatia em o IRU Kabineto an o periodo so avela ka kerel pe diskusia vash vutalno plania thaj programe an o akava periodo, o Zoran Dimov sar IRU Prsidento ka ovel le bukajrno mitingo kotor taro IRU membria an i Srbia.
O mitingo ka ovel an o Beograd kote ka kerel pe koordinacia vash sa elementia taro mitingo so avena.
Ko jekh akala divesa trujal i Srbia, o Dimov ka ovel le mitingo e delegatoncar taro IRU em an i Ungaria thaj Slovakia.
Odola dikhiba ka keren pe taro 8 dži ko 10 juno akava berš.
Avdive sasa IRU Video Konferencija kote sasa majbuter delegatora katas sasto sumnal. Delegatora sasa katar i
Amerika, Svedska, India, Francija, Slovacka, Ceska, Ungaria, Austria, Anglia, Srbija, Makedonija, Finska, Bosna i Hercegovina, Polska, Svajcarija thaj Romanija.
O video si majanglal taro akava artiklo.
Parafirimo si signaturaja Memorandumo baši kolaboracia maškar IRU thaj o Romano Konsilo tari Amerika
An o pervazia tari kolaboracia thaj aktivitetia o Presidento taro IRU Zoran Dimov thaj o Vicepresidento taro Romano Konsilo tari Amerika, Kalifornia - "Gypsy Council of America - California", o Anatolij Butakov sine parafirime signaturaja Memorandumi maskar akala duj romane organizacie.
Anglal sa an o memorandumi su notirime taro duj riga te zojrakeren i konekcia e Romane pučimnaske.
Odova kerel pe resarinaja te vazdel pe o nivelo taro socio -ekonimikane ko jekh kulturakere thaj čhibjakete situacie thaj o Romano identiteto thaj majziiraki jekhipa maškar akala duj organizacie.
O IRU thaj RKA pakajana kote o zoralipa thaj sukcesi avel kana kerel pe kolaboracia maškar duj diferentno partneria so sako anel sukceso sar parteneri an i piri ekspertiza
Avdive an o pervazia taro aktivitetia e Presidenteske an o IRU Zoran Dimov pali akharin taro Ambasadori e R.Italia an i R.Makedonia lergja dikhiba e Ambasadorea OE Karlo Romeo.
Ko vakti taro olengoro mitingo kergje lafi an i konekcia e aktuelno dikhibaja thaj i situacia e Romencar an i Italia. Maškar aver kergja pe lafi an i konekcia e bibahtale akteske so sine an o 10 maj akava berš ko romano kampo ko kvarti an o Rim kote ki čhivdi jag mule 3 persone taro romano nacionaliteto - čhija ko baripa taro 4 dži ko 20 berša. Ko odova kontesto o IRU persi kurko dži ki Ambasada an i R.Italia an i R.Makedonia bičhavgja reakcia.
